Orð í tíma töluð

Allt að því endurtekið efni hér í Þýzkalandi; í hvert sinn sem einhver málsmetandi Þjóðverji leyfir sér að tjá sig um Ísrael á annan en þann þrönga og einhliða hátt en Ísraelum sjálfum þóknast, þá hrúgast ísraelsku "Göbbelsarnir" út úr skúmaskotunum og hrúga andlegum skítnum yfir viðkomandi til að reyna að viðhalda "hreðjataki hinnar slæmu samvizku" á þýzkri alþýðu. Hálf dapurlegt að íslenzkt dagblað skuli hálfpartinn snúast á sveif með þessum ísraelsku öfgasinnum með skrumskælda sýn á tjáningarfrelsið.

Grass í eldlínunni vegna ljóðs um Ísrael

Þarf kannski bara að vernda Suárez fyrir sjálfum sér?

Bölvað endalaust væl er þetta í Dalglish í sambandi við Suárez. Með sama áframhaldi endar hann á að toppa Ferguson í smjörklípunum! Dalglish verður að átta sig á að framkoma áhorfenda gagnvart Suárez endurspeglar einungis framkomu leikmannsins í leikjum. Þannig að stóra vandamálið eru ekki áhorfendur, heldur er orsökin almenn óíþróttamannsleg framkoma Suárez. Daglish hefur því lausn vandamálsins í hendi sér með því að kenna leikmanninum að sýna leiknum, andstæðingum og áhorfendum tilhlýðilega virðingu. Það leysir engin vandamál að kenna alltaf öðrum um. Ef Suárez hefði þó ekki væri nema helming þeirrar íþróttamennzku, heiðarleika og sjálfsgagnrýni, sem Dalglish hafði sem leikmaður, þá væri enginn að tala um þetta vandamál í dag því það væri ekkert mál í gangi.

Dalglish krefst verndar fyrir Suárez

Og KSÍ þegir og þegir!

Af hverju heyrist ekkert frá KSÍ varðandi þessi ummæli Blatters? Ef KSÍ er sammála ummælunum, þá ætti sambandið a.m.k. að styðja formanninn eða fordæma ummælin ella? Þetta væri kærkomið tækifæri fyrir KSÍ að sýna nú sjálfstæða hugsun og kjark til að koma út úr skápi undirlægjuháttarins gagnvart þessum spillta foringja.

Er nóg fyrir Blatter að biðjast afsökunar?

Grafarþögnin í KSÍ

Maður sér hvergi eitt einasta orð frá KSÍ varðandi þennan viðbjóð frá Blatter. Hefur KSÍ enga skoðun á ummælunum eða er formaðurinn slík gunga að hann þori ekki að tjá sig um þau?

Beckham: Hræðileg ummæli Blatters

Assange vs Sigurður Einarsson

Getur einhver útskýrt fyrir mér muninn á þessum tveimur, að því er virðist, fyllilega sambærilegu aðstæðum. Þeim báðum, Sigurði Einarssyni og Assange, var gert af yfirvöldum á annarsvegar Íslandi og hinsvegar í Svíþjóð, að mæta til yfirheyrzlu í viðkomandi landi, hvorugur gegndi kallinu, á báða var gefin út alþjóðleg handtökuskipun, báðir voru staðsettir í London en einungis þessi Assange var handtekinn?

Assange handtekinn

Góð athugasemd hjá Eygló!

Þetta er fyllilega réttmæt og rökrétt athugasemd hjá Eygló, sem hittir beint í mark eins og sézt bezt á aumingjalegum athugasemdum hópsálnanna Sólveigar/VG megin. Sólveig Tómasdóttir og andlegar veifiskötur í Femínistafélaginu hafa jú verið sérstaklega dóminerandi á hinu púritaníska skoðanaparketti í hinum ýmsustu jafnréttismálum og það er auðvitað borðleggjandi að ef einhverjum "réttdræpum" karlræfli hefði orðið á þessi dæmalausa og opinbera notkun orðsins tussa, þá væri þetta gengi örugglega búið að opinbera harðorð mótmæli.

Mér finnst að fólk ætti nú frekar að velta fyrir sér hversvegna Sólveig og kó gefa afslátt af sannfæringunni þegar háttsettur VG-maður nauðgar málsstaðnum, í stað þess að skammast í Eygló, sem bendir í raun bara á hið augljósa að það er ekki sama að vera Jón og séra Jón!

Pósturinn sem innihélt ORÐIÐ

Að hluta til sammála Berta varðandi dómgæzluna

því með réttu hefði Webb átt að henda bæði Jong og Bommel útaf í fyrri hálfleik. Ætli Berti hefði þá ekki líka vælt yfir dómaranum? Webb átti ekki sinn bezta dag og er skammaður eitthvað í dag m.a. fyrir öll kortin í leiknum en ef hann hefði nú farið eftir bókstafnum og réttilega hent Jong og Bommel út strax í fyrri hálfleik og svo Pyol, Heitinga og Robben (hver með 2 gul), þá hefði hann líka verið skammaður fyrir að eyðileggja úrslitaleikinn.Gullkornið hjá Berta er hinsvegar þegar hann segir: "Það er ekki okkar stíll að vera grófir, við erum ekki vanir að fremja ljót brot"! Því að vera grófur og fremja ljót brot er einmitt aðalsmerki fautans van Bommel! Hann og hans líkar ættu að skammast sín fyrir að hafa breytt forðum "Total football" í "Brutal football", sem mér finnst mikil synd, því ég hef lengi haldið uppá hollenzkan fótbolta.

Van Marwijk óhress með Webb

Af hverju ekki?

Ja, hversvegna skyldi hann ekki prófa að fífla liðið aftur? Fyrri pseudoafsögnin svínvirkaði jú og kjánarnir verðlaunuðu hann í kjölfarið með fyrsta sætinu í kjördæminu! Ég tel að það hljóti að vera hafið yfir allan vafa að Björgvin G. Sigurðsson sé einn almesti pólitíski aumingi sem setið hefur á Alþingi, svo ekki sé talað um á ráðherrastóli, sem staðfestist kannski bezt með áherzlunni sem samráðherrar hans hafa augljóslega lagt á að halda honum fjarri flestum mikilvægari málefnum. Þess vegna ætla ég bara rétt að vona að liðleskjur á borð við Björgvin G. Sigurðsson komi hvergi nærri stjórnmálum framtíðarinnar.

Björgvin stígur til hliðar

Hvað með stelpurnar?

Þetta bann mun þá væntanlega hafa í för með sér að Chippendales strákarnir, sem mig minnir að hafi dansað fyrir fullu húsi á Íslandi hér um árið, fái ekki að sýna listir sínar aftur á Íslandi?

Alþingi bannar nektardans