Þarf kannski bara að vernda Suárez fyrir sjálfum sér?

Bölvað endalaust væl er þetta í Dalglish í sambandi við Suárez. Með sama áframhaldi endar hann á að toppa Ferguson í smjörklípunum! Dalglish verður að átta sig á að framkoma áhorfenda gagnvart Suárez endurspeglar einungis framkomu leikmannsins í leikjum. Þannig að stóra vandamálið eru ekki áhorfendur, heldur er orsökin almenn óíþróttamannsleg framkoma Suárez. Daglish hefur því lausn vandamálsins í hendi sér með því að kenna leikmanninum að sýna leiknum, andstæðingum og áhorfendum tilhlýðilega virðingu. Það leysir engin vandamál að kenna alltaf öðrum um. Ef Suárez hefði þó ekki væri nema helming þeirrar íþróttamennzku, heiðarleika og sjálfsgagnrýni, sem Dalglish hafði sem leikmaður, þá væri enginn að tala um þetta vandamál í dag því það væri ekkert mál í gangi.

Dalglish krefst verndar fyrir Suárez

Athugasemdir

[Mancunian, 24.12.2011 kl. 22:14]

Vel mælt.

Held ég sleppi því að blogga um þessa frétt þar sem færsla þín segir í raun allt sem segja þarf.